پُرستش

اے ربِّ پاک
شب کی تنہائیوں میں
جب تِرے بندے اُٹھتے ہیں
تیری عبات کے لئے
تو اُس وقت میری بھی آنکھ کھُلتی ہے
پر وہ تیری عبادت کے لئے نہیں
وہ تو اس بُت کی پُرستش کے لئے
جو میرے من میں چُھپا ہے
اے ربِّ ذُوالجلال
یہ سب تُجھے کیسے گوارا ہے
کہ تِرا کوئی شریک ہو
میں تو ناتواں ہوں ناسمجھ ہوں
میری تو ایک تُجھ سے اِلتجا ہے
یا تو اس بُت کو من سے نکال دے
یا پھر اپنا خیال ہی نہ آنے دے
کیونکہ اس ناسمجھ سے
دو خداؤں کی پوجا نہیں ہو سکتی